اشمعنا اخترت اسم عيش حلمك وغير حياتك ؟
توني روبنز والي هو من اكبر مدربي التنمية البشرية في العالم كان بيقول انه وهو مرة راكب الهليكوبتر بتاعته…ورايح يقدم محاضرة وكان فيه الاف الناس مستنينه عشان يساعدهم يغيروا حياتهم….وهو في الهليكوبتر…شاف مبنى …قعد يبص عليه..وفي لحظة افتكر كل حاجة……ده هو المبنى الي من عشر سنين كان توني روبنز كان بيشتغل بواب فيه !!
ساعتها بص حواليه….ولقى انه فعلاً دلوقتي عايش حلمه…فعلا حياته اتغيرت…فعلاً كل التعب الي تعبه ده جاب نتيجة…واخيرا بعد كل ده…هو عايش دلوقتي وحلمه وغير حياته..
اخترت الاسم ده…لإني وبرغم اني لسه في اول الطريق…لكن….في لحظة لقيت اني دلوقتي عايش حلمي…اني حياتي اتغيرت..فعلاً اتغيرت…
في طريق حياتنا بيقابلنا تحديات كتير..بيقابلنا مشاكل كتير..كتير اوي …فعلاً ممكن نتعب..وفعلاً ممكن ناس تقرر متكملش الطريق..تقرر انها خلاص مش عايزة تتعب تاني…بتخاف تتعب تاني..وتفتكر ان خلاص مفيش فايدة…مش عارفة اصلا تعمل ايه…فترضى بإلي هي مش عايزاه..ترضى بالي الدنيا تجيبه ليها..ومتحولش تعمل اي حاجة عشان تغير ده…وفي الوقت ده…. بيكون في ناس تانية …مشهورة..غنية …بتعمل الحاجة الي بتحبها..بترضي ربها…وعايشة حلمها…
ايه الفرق بينهم ؟
الحقيقة هما الاتنين في نقطة كانوا واقفين جمب بعض…تعبانين اوي من الدنيا…مش راضيين عن حياتهم…ومش سعدا في حياتهم..بس منهم الي رضي بإلي مش عايزة..عشان كل الناس كده..رضي بالحياة الي هو مش عايزها…وكمل حياته كده بيدور على السعادة في اي حاجة..ولما ملقاش السعادة…بقى بيدور علي اي حاجة شبه السعادة..سواء في طريق صح او غلط..مش قصدوا بس هو معذور..عشان مسكين ..ونفسه يكون سعيد..
لكن منهم الي قرر انه مش هيرضى بالحياة دي …وقرر القرار الي كتير بيخافوا يقرروه..عشان بيهربوا من اي حاجة ممكن تجبلهم تعب..القرار الي ناس كتير نفسها تقرره بس بتهرب من الالم الي ممكن يجيبه..عشان فاكرين ان الطريق للسعادة مفيهوش الم.. قرر انه هيغير حياته فعلاً…هيتعب..ويموت نفسه ليل نهار…عشان يغير الواقع ده…وبيفضل تعبان ..ويتألم..ايام..شهور…وممكن سنين كمان..لكن الامل الي في قلبه بحياته الي بيحلم بيها…والالم من الحياة الي مش عايزها..كانوا دايماً بيزقوه لقدام..اديسون..والد ديزني..مياكل جوردان..بيل جيتس..نوبل..وكتير تانيينمن العظماء كانوا في يوم كده زيه ….وبعد وقت كبير من التعب..فعلاً… حياته اتغيرت وعاش الحياة الي كانت في يوم حلم بيحلم بيه…وعاش سعيد في حياته ..بيعمل الحاجات الي تسعده وماشي بيحقق اهدافه وخلاص مفيش اي حاجة تقدر توقفه في الدنيا..عشان خلاص هو داق الطعم…طعم النجاح …فمهما حصل مش هيتأثر بأي تحدي..عشان هو خلاص….عايش حلمه ….
اخترت الاسم ده لما لقيت ان واحد عادي جداً زيي واقل من العادي كمان…اما لقيت ان فعلاً حياتي اتغيرت..ولقيت اني عايش حلمي…حتى لو كنت لسه موصلتش لحاجة بس عايش الحلم..في كل يوم.. و في كل لحظة.لما شفت اول انجاز وحسيت بطعم النجاح ..حتى لو حاجة صغيرة..بس عرفت انه موجود….ساعتها بقيت مؤمن تماماً ان اي حد في الدنيا ممكن هو كمان يعيش حلمه ويغير حياته…ويوصل لأي حاجة في الدنيا دي مهما كانت..بس بشرط…انه يقرر يتعب..ويتحمل مسؤولية الحياة دي…ويعرف ايه الي يعمله..وبكل طاقته يحاول ليل نهار لحد ما فعلا يوصل…
يعني ايه عيش حلمك وغير حياتك ؟
يعني تعيش كل لحظة في حياتك وفي دماغك حلمك الكبير الي عايز تحققه في حياتك..الي تخلي بيه حياتك وحياة الناس احلى..وتخلي بيه ربنا يرضى…وتغير حياتك في كل لحظة من الحياة الي انت مش عايزها دي ..الي تعباك دي..للحياة الي بتحلم بيها…
الخلاصة….
لو في حاجة واحدة اتعلمتها في حياتي الصغيرة دي..فهتكون ايماني الكبير جداً ان اي حد في الدنيا ممكن فعلاً يعيش حلمه ويغير حياته…وهقضي حياتي بإذن الله عشان اساعد الناس زي مأنا فعلا والحمد لله عايش حلمي وكل يوم بغير حياتي..انهم هما كان يعيشوا احلامهم ويغيروا حياتهم…
مهارات ومعلومات قوية جداً هتعرفها ان شاء الله….ايه هي احلامنا ..ازاي نحلم؟..ازاي نحققها ؟ ازاي فعلاً نتغير؟ وازاي التغيير ده يستمر؟ ازاي نتغلب على الحاجت المؤلمة في حياتنا؟ ازاي ندير وقتنا ؟ ازاي الحماس بتاعنا يفضل دايما عالي ؟ازاي نواجه القلق الاحباط..اليأس..الالم ؟ازاي نعرف نجيد الحاجة الي بنعملها ؟ازاي نذاكر؟ازاي اوقات المذاكرة يكون احلى اوقات حياتنا ؟ ازاي في وسط كل ده نكون سعداء في حياتنا ؟ ان شاء الله هيكون بين ايديك كل ده واكتر كمان ..كل الي ممكن يساعدك انك فعلاً تعيش حلمك وتغير حياتك ….بس كل الي عليك ..انك تقرر..انك تتحمل المسؤولية…وتقرر انك تعيش الحلم ده …وتتحمل اي حاجة في سبيل ده..وزي ما هيلين كيلر بتقول (الحياة هي مغامرة جريئة.. او لا شئ ) .0
0 التعليقات:
إرسال تعليق